Уапсен е маж осомничен за нападот врз Ангелина Вучиќ, мајката на Александар Вучиќ. По налог на Првото основно јавно обвинителство во Белград, на осомничениот му е одреден притвор, објави РТС.
Според тврдењата на Српската напредна партија (СНС), инцидентот се случил утрово во близина на пазарот Калениќ.
Од партијата наведуваат дека Ангелина Вучиќ била вербално и физички нападната.
Медиумите објавија дека група помлади мажи ја туркале и ѝ викале, а ги искинале и кесите со намирници што ги носела.