Регион

Во Приштина бесни за транспарентот „Косово е Србија“ во Познањ, ќе се жалат до УЕФА

Фудбалската федерација на Косово бара санкции и за Лех, но и за Црвена звезда, која му се заблагодари на домаќинот

2 минути за читање

Фудбалската федерација на Косово (ФФК) најави жалба до УЕФА за транспарентот со пораката „Косово е Србија“ испишан на српски јазик врз боите на знамето на Србија, што навивачите на полски Лех го истакнаа на својата трибина во текот на целиот натпревар со Црвена звезда синоќа во Познањ.

„Фудбалската федерација на Косово ги оценува овие дејствија како сериозна политичка провокација, срамна и неприфатлива на спортски настан, како и грубо кршење на правилата и принципите на УЕФА, кои забрануваат какви било политички или дискриминаторски пораки на стадионите. Ова се однесувања што не му служат на фудбалот и претставуваат поттикнување на омраза и повреда на спортскиот интегритет“, се вели во соопштението на ФФК.

„ФФК, веднаш по забележувањето на таквото прекршување, покрена постапка за поднесување официјална жалба до УЕФА, барајќи дисциплински мерки против клубот Лех, одговорен за однесувањето на своите навивачи, како и против Црвена звезда за јавни изјави со кои поттикнува и легитимира пораки против државата Косово. ФФК, како членка на УЕФА, ги брани и промовира вредностите според кои фудбалот мора да остане надвор од политичките провокации и да служи како мост на поврзување, а не на поделба, и решително бара и другите членови на Федерацијата да ги заштитат овие принципи“, се додава во соопштението.

„Благодариме Лех Познањ“, порачаа од Звезда преку социјалните мрежи по првиот дуел од третото квалификациско коло за Лигата на шампионите, кој гостите го добија со 3:1.

Поврзани теми:

фудбал|Лига на шампионите|ФФ на Косово|Лех Познањ|Црвена звезда|УЕФА

Повеќе на оваа тема:

Најнови вести од: Регион

Малцинските “Бугарчиња” не смеат во школо ако не знаат бугарски

Јазична интеграција за деца од малцински групи кои се пред запишување во прво одделение – предлага бугарското Министерството за образование и наука преку Законот за предучилишно и училишно образование, објавуваат медиуми

Вучиќ: Средбата со царот Нарухито е посебна чест, благодарност до „руските пријатели“ за информациите и поддршката

Претседателот на Србија, Александар Вучиќ, од Јапонија се обрати до јавноста, коментирајќи ги средбите со јапонскиот цар Нарухито и премиерот Шигеру Ишиба, а истовремено се осврна и на актуелните случувања во нашата земја.

(Фото+Видео): Волк се појави на плажа во Грција, повредено дете

Објавеното видео прикажува чакал како шета по плажата меѓу лежалки. „Ситонија има многу шуми и секако има див свет во нив и добро е што е така. Лисиците често се гледаат, но понекогаш се случува и ваква средба“, се вели во објавата на Никана.

Руската разузнавачка служба: ЕУ планира српски мајдан на 1 ноември

Службата за надворешно разузнавање на Русија (СВР) објави дека европските елити планираат да ја искористат годишнината од трагедијата во Нови Сад, Србија, на 1 ноември 2024 година, за да ја свртат ситуацијата во своја корист, според српските медиуми.

(Видео): Силно невреме го погоди Белград, авионите не можат да слетаат на аеродромот „Никола Тесла“

Силно невреме проследено со грмотевици го зафати Белград, поради што два авиона веќе подолго време не можат да слетаат на аеродромот „Никола Тесла“. Станува збор за летови од Виена и од Анкара, кои кружат над Смедерево, а стигнале и до централните делови на Србија.
Сите вести од Регион

Најнови вести

To top