Спорт

БиХ поведе, на крајот ремизира со кодомаќинот Канада на мундијалот

Лукиќ ја доведе Босна и Херцеговина во водство во 21. минута, израмни Ларин во 78. минута

Босна и Херцеговина одигра нерешено 1:1 со еден од трите домаќини на Светското првенство во фудбал, Канада, на стартот во Торонто.

Јово Лукиќ ја доведе БиХ во водство со глава во 21. минута, а бод на Канаѓаните им донесе Кајл Ларин во 78. минута, кога по неговиот удар топката се одби од Никола Катиќ, го смени правецот и заврши зад грбот на голманот Никола Васиљ.

Соорганизаторот на мундијалот имаше стопроцентна шанса во 53. минута, но Сеад Колашинац ја сврте топката во пречката, а од таму таа се одби во поле. Во самиот финиш, пак, Ларин се најде во изгледна можност во непосредна близина на босанскиот гол, но неговиот удар го изблокираа двајца.

Во другиот натпревар од групата Б утревечер од 21 часот по средноевропско време ќе се сретнат Катар и Швајцарија.

 

 

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

To top