Македонските фудбалски репрезентативци Агон Елези и Стефан Ристовски постигнаа три од четирите голови на Сараево во ремито 4:4 со Радник од Биелина на својот стадион „Асим Ферхатовиќ-Хасе“ во второто коло од Премиерлигата на Босна и Херцеговина.
Играчот за врска Елези, кој дојде неодамна од хрватска Горица и потпиша тригодишен договор, беше двоен стрелец, погодувајќи во 16. и во 52. минута.
Потоа десниот бек Ристовски, кој дресот на Динамо Загреб го замени со тој на сараевчани исто така во средината на јули, обврзувајќи се на двегодишна верност, со „бомба“ од дваесетина метри зголеми на 3:0.
Но, по излегувањето од игра на Елези во 76. минута гостите направија целосен пресврт, пред домаќинот во финишот да спаси бод.