Македонскиот фудбалски репрезентативец Елиф Елмас ќе игра во финалето на Суперкупот на Италија со Наполи, со кој вечерва славеа со 2:0 над бранителот на трофејот Милан во Ријад, Саудиска Арабија.
Елмас беше во почетниот состав на тимот од Неапол и одигра 77 минути, во кои упати три удари кон противничкиот гол, а натпреварот го заврши со оценка 6,9.
Противник на екипата на 26-годишниот „македонски дијамант“ во финалето ќе ѝ биде подобриот од утрешниот дуел меѓу Интер и Болоња.
Офанзивниот играч за врска има два трофеја со Наполи, шампионската титула во Серија А и Купот на Италија.