Најдобрата македонска тенисерка Лина Ѓорческа е запрена на стартот од квалификациите за последниот гренслем турнир сезонава, Отвореното првенство на САД.
Ѓорческа, неделава 253. на ВТА-листата во сингл, загуби со 7-6 (1), 6-3 од Јапонката Маи Хонтама (167.) по 106 минути игра.
По лошото влегување во мечот што резултираше со водство на противничката од 4-1, 32-годишната тетовка заигра на потребното ниво и израмни на 5-5, а во следниот гем на сервис на Јапонката беше 40-40.
Хонтама, сепак, си го одбрани сервисот, исто како Ѓорческа наредниот, но тај-брејкот убедливо го освои фаворитката според ранкингот.
И вториот сет почна слично како првиот – Јапонката отвори со 2-0, Ѓорческа возврати со три гема во низа за пресврт, но тука застана.