Калин Ивановски се избори за македонско-бугарска пресметка во второто коло на тенискиот челинџер во Ројан, Франција, откако на стартот од турнирот што се игра на земјени терени и за награден фонд од 54.000 долари го декласира со 6-1, 6-3 Норберт Гомбош од Словачка, 328. на АТП-листата во сингл.
На Ивановски (961.) му беа доволни 72 минути за да го испрати дома многу три пати подобро рангираниот противник и да закаже дуел со петтиот носител Димитар Кузманов (253.) од Бугарија, кој славеше со 6-3, 7-6 (3) над домашниот квалификант Лукас Пулен (373.).
Мечот меѓу првиот македонски рекет и Кузманов ќе се одигра утре од 14 часот.