Спорт

Македонија на чекор до пласман во Втората светска група од Дејвис купот

Ивановски и Приходко изборија победа од 2:0 над Грузија и дуел со Црна Гора утре за промоција во повисок ранг

Тениската репрезентација на Македонија ја совлада Грузија со 2:0 и утре против Црна Гора ќе игра за промоција во повисок ранг од Дејвис купот, покрај Молдавија и Летонија од турнирот во Третата европска група во Кишињев.

Врз основа на досегашните настапи и на рејтинзите на играчите, избраниците на капитенот Горан Шевченко се фаворити за промоција во Втората светска група.

Калин Ивановски, кој по долгото отсуство поради повредата е 991. на АТП-листата во сингл, го донесе првиот поен против Грузијците со победата од 7-6 (2), 6-2 над Александре Бакши (645.) по 85 минути игра.

Уште подолго траеше вториот меч во поединечна конкуренција, во кој на Украинецот со македонски пасош Олег Приходко (379.) му требаа 2:13 часа за триумф со пресврт од 6-7 (4), 6-1, 6-3 против првиот грузиски рекет Саба Пурцелаѕе (446.).

 

 

 

 

 

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

To top