„Втора младост“ на 36-годишниот Илија Несторовски, кој денеска беше двоен стрелец за Славен Белупо во победата во Сигет од 5:0 над второлигашот Хрватски драговољац во Купот на Хрватска три дена откако по признанието за играч на натпреварот во триумфот од 2:1 над Локомотива Загреб во Хрватската фудбалска лига (ХНЛ).
Поранешниот репрезентативец на Македонија со 52 настапи и 10 гола меѓу 2015 и 2023 година ја погоди мрежата на домаќинот во Сигет во 36. минута и шест минути подоцна, кога зголеми на недостижни 3:0 на патот до осминафиналето во хрватскиот Куп.
Прилепчанецот запиша погодок за тимот од Копривница и во неделата против Локомотива, негов трет во првите шест кола од ХНЛ, по кои го дели шестото место на листата на стрелците, на која пред десет години беше најдобар и ја доби „златната копачка“ како тогашен играч на Интер Запрешиќ.