Спорт

Пелистерци со бод од Данска во Лигата на шампионите (ВИДЕО)

Видомски шест секунди до крајот му донесе реми 28:28 на македонскиот првак на гостувањето кај ГОГ Гудме

Еурофарм Пелистер со бод се враќа од Данска, кадешто одигра нерешено 28:28 со ГОГ Гудме во првиот натпревар од 12. коло во ракометната Лига на шампионите.

Стрелец на голот за петти бод сезонава во елитното клупско натпреварување беше Анџеј Видомски, кој погоди од 10 метри шест секунди до крајот, и тоа со играч помалку по црвениот картон за најновото засилување Никола Граховац 46 секунди до последниот звук на сирената!

Токму Полјакот беше најефикасен кај македонскиот првак со 7 гола од 8 удари, пред Граховац со 6/8 и капитенот Филип Кузмановски со 6/11, а голманот Никола Митревски правеше чуда на голот, завршувајќи го мечот со 11 успешни интервенции.

Битолчани со ова реми математички остануваат во игра за место во елиминациите, иако тешко достижно со оглед на дуелите со Пари Сен Жермен дома и со Барселона на нејзин терен во последните две кола.

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

Најнови вести

To top