Дебитантот Зеленортски Острови го приреди најголемото изненадување во досегашниот дел од Светското првенство во фудбал, ремизирајќи без голови против поранешниот планетарен шампион, четирикратен европски првак и втор на листата на ФИФА, Шпанија!
Селекцијата рангирана на 67. место, чии најголеми успеси се двете четвртфиналиња на Купот на африканските нации, ги издржа докрај налетите на „фуријата“, која ја имаше топката во своите нозе речиси три четвртини од натпреварот во Атланта (74:26 проценти), неспоредливо повеќе удари (27:6, во рамките на голот 7:1), но не го најде патот до противничката мрежа.
Националниот тим на државата со помалку од половина милион жители, лоцирана во Атлантскиот Океан спроти северозападниот брег на Африка, во последната минута дури можеше и да го нокаутира големиот фаворит, кога Рајан Мендеш од непосредна близина не погоди со глава и не ја казни погодената пречка од Феран Торес во првото полувреме.
Херој на мечот беше зеленортскиот голман Вожиња, кој одбрани седум удари и доби највисока оценка на мечот – 8,8!
Колкаво изненадување е резултатот покажува коефициентот во обложувалниците од 1,07 за победа на Шпанија и 26 за Зеленортски Острови пред првата средба од групата Х, во која се уште Уругвај и Саудиска Арабија.
Најинтересните моменти на линкот.