Александар „Велики“ Волкановски ја заврши борбата за шампионскиот појас во ултимејтфајт против Диего Лопес од Бразил во перолесна категорија со понижувачка положба за противникот – Македонецот по потекло седеше на лицето на противникот и славеше со крената тупаница пред егзалтираната публика во арената „Кудос банк“ во Сиднеј, за ден подоцна да се извини.
Всушност, 37-годишниот син на Тоде Волкановски, родум од битолското село Беранци, во видео порака објасни дека не знаел дека седнал врз лицето на Бразилецот роден во Мексико во обидот да ја блокира ногата на противникот, мислејќи дека седи врз неговите гради.
„Не бев премногу загрижен, само знаев дека ќе завршам на врвот и токму тоа се случи“, објасни тој. „Тогаш завршивме во таа позиција кога седев на неговото лице, што беше доста смешно. И повторно, бев таму. Си помислив: ‘Ќе завршам на врвот. Победувам. Тој ме држи тука. Нема многу што може да направи’“, вели популарниот Волк.
„Не сфатив дека всушност задникот ми е на неговото лице“, додаде тој. „Мислев дека седам на неговите гради. Затоа се обидувам да ги вратам овие удари, мислејќи дека главата му е таму и си велам: ‘Зошто не го удрам по главата?’. Бидејќи буквално седев на неговото лице. Па, мислев дека главата му е можеби малку подалеку. Па, се извинувам за тоа. Лопес, не знаев дека седам на твоето лице“.
Со осмата победа во борбите за УФЦ-првак во перолесна категорија Волкановски се израмни на вечната листа со легендарниот Бразилец Жозе Алдо.
Volkanovski taunting while putting his ahh on lopes face is crazy 😭 pic.twitter.com/NhPT83J1SA
— Bones🦴 (@Boness305) February 1, 2026