Австралија објави дека ќе стане првата земја во светот што ќе им забрани на децата да го користат Јутјуб, со што ќе ја поништи претходната одлука за изземање на платформата за споделување видеа.
Тогаш медиумски компании како што се Facebook, Instagram, Snapchat и TikTok се пожалија дека изземањето за YouTube е неправедно.
Австралискиот регулатор минатиот месец ја повика владата да го повлече изземањето за Јутјув откако една студија покажа дека 37 проценти од децата на возраст од 10 до 15 години гледале штетна содржина на платформата, најмногу од која било друга платформа на социјалните медиуми.
„Социјалните медиуми имаат општествена одговорност и нема сомнение дека онлајн платформите негативно влијаат врз австралиските деца“, рече премиерот Ентони Албанезе во соопштението.
„Социјалните медиуми им штетат на нашите деца и сакам австралиските родители да знаат дека ние сме тука да им помогнеме“, додаде тој.
Сопствениците на социјалните медиуми ќе бидат казнети со 32,2 милиони долари почнувајќи од декември ако го прекршат законот усвоен од парламентот во ноември минатата година.
Портпаролот на Јутјуб изјави дека компанијата ќе ги разгледа следните чекори и ќе разговара со владата.
„Ја делиме целта на владата за намалување на штетата предизвикана од користењето на интернет. Нашиот став е ист: Јутјуб е платформа за споделување видеа со бесплатна, висококвалитетна содржина. Јутјуб не е социјална мрежа“, напиша портпаролот во е-пошта.