Утринава, веб-сајтовите на белгискиот телекомуникациски гигант „Проксимус“ и на операторот „Скарлет“ станаа жртва на сајбер-напад, за кој одговорноста ја презеде проруската хакерска група „NoName057“.
Досегашните сознанија укажуваат дека нападот не предизвикал прекини во интернетот или во телекомуникациските услуги за корисниците на двата провајдери.
Според најновите информации, и „Проксимус“ и „Скарлет“ веќе ја повратиле целосната контрола врз своите онлајн платформи.
Нападот бил изведен со техника на „бомбардирање“ на серверите со огромен број барања, со што тие биле преоптоварени и веб-сајтовите станале недостапни за редовните посетители.
Белгискиот печат објави дека, освен двата телекома, мета на слични сајбер-напади биле и интернет-страницата на една приватна компанија и на општината Комин-Варнетон, која припаѓа на валонскиот град Ено.