Првото патување на луѓето кон Месечината од 1972 година, заврши успешно откако четворицата астронаути од мисијата „Артемис 2“ ноќеска се вратија на Земјата, спуштајќи се во Тихиот Океан покрај брегот на Сан Диего, Калифорнија, по речиси десет дена во вселената.
Сервисниот модул се одвои од капсулата „Орион“ што го носеше четиричлениот екипаж.
Капсулата падна во Земјината атмосфера со брзина 32 пати поголема од брзината на звукот, при што атмосферското триење го удираше топлинскиот штит на температури од околу 2.760 Целзиусови степени.
Спуштањето во водата беше со брзина од 25 километри на час.
Кусо време потоа, бродот „Џон П. Муртаг“ ги прими астронаутите Кристина Кох, Рид Вајзмен и Џереми Хансен и Канаѓанецот Виктор Гловер .
Деветдневната мисија постави рекорд за најголемо растојание поминато од човек од Земјата – 406.771 километри а за време на патувањето до месечината и назад помина 1.117.515 километри
Претседателот на Соединетите Американски Држави, Доналд Трамп, истакна дека „следниот чекор“ по успехот на мисијата „Артемис II“ на Националната администрација за аеронаутика и вселена (НАСА) за прелет покрај Месечината е Марс.
Welcome home Reid, Victor, Christina, and Jeremy! 🫶
The Artemis II astronauts have splashed down at 8:07pm ET (0007 UTC April 11), bringing their historic 10-day mission around the Moon to an end. pic.twitter.com/1yjAgHEOYl
— NASA (@NASA) April 11, 2026