Инцидентот во кој учествуваа два авиона на „Ендевор Ер“ се случил во 21:58 часот по локално време, на пистата на аеродромот Ла Гвардија , додека едниот слетувал, а другиот се подготвувал за полетување, пренесува Њујорк тајмс
Едно лице е однесено во болница со „повреди кои не се опасни по живот“, соопштија властите на Њујорк и Њу Џерси.
Исто така, се наведува дека стјуардеса претрпела полесни повреди.
Аеродромските власти соопштија дека операциите на Ла Гвардија, еден од најпрометните аеродроми во САД, не биле прекинати. „Делта“, матичната компанија на „Ендевор Ер“, изјави дека ќе „соработува со сите надлежни органи за да ги разгледа“ безбедносните мерки по „судирот со мала брзина за време на таксирањето“.
Повикувајќи се на прелиминарните информации, компанијата соопшти дека крилото на авионот, кој таксирал пред полетувањето кон Роаноук, Вирџинија, „дошло во контакт со трупот на авионот што пристигнувал“.
Во двата авиона имало вкупно 93 патници и членови на екипажот.
#Breaking
Two #Delta planes collided while taxiing at #NewYork’s LaGuardia Airport, causing one plane’s wing to detach.The incident occurred as one aircraft was arriving from #Charlotte. At least one injury has been reported, with the extent of others unknown.#USA… pic.twitter.com/lrxajMcpWx
— ⚡️🌎 World News 🌐⚡️ (@ferozwala) October 2, 2025