Свет

Европа се наоѓа во најопасна ситуација по Втората светска војна – тврди данската премиерка

Еден ден е Полска, друг ден Данска, а следната недела можеби ќе видиме саботажа или дронови на друго место

2 минути за читање
Европа се наоѓа во својата „најтешка и најопасна ситуација“ по Втората светска војна, изјави данската премиерка Мете Фредериксен на самитот на ЕУ во Копенхаген, посветен на зајакнување на одбранбената спремност на континентот до 2030 година.

Фредериксен ги повика сите земји-членки на единство, истакнувајќи дека секоја европска држава е погодена од „руската хибридна војна“ – преку дронови или саботажа. „Еден ден е Полска, друг ден Данска, а следната недела можеби ќе видиме саботажа или дронови на друго место,“ рече премиерката.

Францускиот претседател Емануел Макрон, кој изрази солидарност со Данска поради последните инциденти со дронови, повика на воздржаност: „Мораме да бидеме силни за да ги одвратиме агресиите, но пред сè треба да избегнуваме ескалација.“

Во пресрет на самитот, Данска го затвори воздушниот простор за цивилни дронови поради неидентификувани летала забележани на аеродромите. Германска фрегата пристигна во Копенхаген за поддршка на воздушното набљудување, а Шведска и Франција испратија опрема и персонал.

Претседателката на Европската комисија, Урсула фон дер Лајен, рече дека постои „шема“ на руските активности, со дронови во Полска и нарушување на воздушниот простор на Естонија од руски борбени авиони. Таа го повтори планот на ЕУ за одбрана на источната граница, познат како Eastern Flank Watch, како и предлогот за „ѕид против дронови“ за откривање и уништување на непознати летала.

 

Поврзани теми:

самит|Данска|избор|европа

Повеќе на оваа тема:

Најнови вести од: Свет

Сијарто: ЕУ не може да си го најде местото во светот! Излез е голем европски патриотски пресврт!

На прес-конференција, што ја одржа пред неколку дена унгарскиот премиер Виктор Орбан ѝ предвиде на Европската Унија дека „ќе се распадне самата од себе“, како што нагласи, „поради „хаос во лидерството“. Како што пренесе „Еуроњуз“, Орбан сепак, ја отфрли можноста Унгарија да ја напушти ЕУ, велејќи дека „земјата нема доволно големина за да донесе таква разумна одлука“. Орбан нагласи дека иднината на Унгарија е во рамките на блокот и НАТО, но, како што посочи, со „суверена надворешна политика и економска политика“. Со своите најнови изјави шефот на унгарската дипломатија Сијарто се надоврза на Орбан, но дополнително заострувајќи го тонот кон официјален Брисел со своето тврдење дека, наводно, „ЕУ сака да ѝ наметне марионетска влада на Унгарија“ и оти „таа е веќе изолирана и изгубена во светската геополитика“.

(ВОЗНЕМИРУВАЧКО ВИДЕО18+) Иран во хаос: Над 500 загинати, болниците полни со прострелни рани

Според американска организација за човекови права, досега загинале повеќе од 500 демонстранти, додека иранските власти веќе над 72 часа ја држат земјата во речиси целосен прекин на интернетот и телефонските врски.
Сите вести од Свет

Најнови вести

To top