Свет

Филмски грабеж во Париз(ВИДЕО)

Утрово, околу 9:30 до 9:40 часот, Лувр, најпосетуваниот музеј во светот, бил ограбен во спектакуларна акција во Париз, според француските медиуми

1 минута за читање

Утрово, околу 9:30 до 9:40 часот, Лувр, најпосетуваниот музеј во светот, бил ограбен во спектакуларна акција во Париз, според француските медиуми. Според „Ле Фигаро“, крадците пристигнале на скутери до зградата на Лувр, лоцирана во центарот на Париз. Користејќи кран поставен на кејот Франсоа Митеран, тие пристапиле до прозорец на првиот кат од музејот. Со моторни пили ги скршиле прозорците и две витрини во галеријата Аполо, каде се чувале „Наполеоновиот накит“ и „Накитот на владетелот“. Засега не е познато точно што е украдено.

По грабежот, музејот бил затворен, а посетителите и обезбедувањето останале заклучени внатре, според снимки и објави на социјалните мрежи. Француската министерка за култура, Рашида Дати, потврди дека грабежот се случил при отворањето на музејот и дека полицијата спроведува истрага. Лувр објави на Икс дека е затворен поради „вонредни причини“, без дополнителни детали.

Поврзани теми:

Лувр|избор|Франција|Париз|грабеж

Повеќе на оваа тема:

Најнови вести од: Свет

Макрон вели „ќе има невидени последици“, ако Трамп ја преземе контролата над Грендланд!

„Ако суверенитетот на европска земја и сојузник е загрозен, последиците би биле без преседан, изјави францускиот претседател Емануел Макрон на состанокот на кабинетот во средата, алудирајќи на заложбите на американскиот претседател Доналд Трамп да ја преземе контролата врз арктичката територија.

Кина го проби „вештачкото сонце“ и ги надмина границите на фузијата

Кинескиот експериментален токамак EAST, познат како „вештачко сонце“, постигна важен пробив во истражувањата на нуклеарната фузија: научниците успеаја да ја одржат плазмата стабилна при екстремно високи густини, надминувајќи ја т.н. Гринвалдова граница – една од клучните пречки за комерцијална фузија.
Сите вести од Свет

Најнови вести

To top