Свет

Франција ќе троши по 64 милијарди евра годишно за одбрана

Двојно повеќе од 32-те милијарди евра што земјата ги издвои за одбрана кога тој стана претседател во 2017 година

Францускиот претседател Емануел Макрон ги изложи плановите за зголемување на трошоците за одбрана во Франција, предупредувајќи дека Европа се соочува со „поголема закана“ од кога било досега од крајот на Втората светска војна, пренесе Еуроњуз.

Тој вчера најави дополнителни 6,5 милијарди евра воени трошоци во текот на следните две години.

Со тоа, Франција планира да троши 64 милијарди евра годишно за одбрана до 2027 година.

Таа сума е двојно поголема од 32-те милијарди евра што земјата ги издвои за одбрана кога тој стана претседател во 2017 година.

„Од 1945 година, слободата никогаш не била толку загрозена и толку сериозно“, рече Макрон во традиционалниот претседателски говор пред армијата пред националниот празник Денот на Бастилја.

„Никогаш порано мирот на нашиот континент не зависел толку многу од одлуките што ги донесуваме денес“, рече Макрон.

„Сега ние, Европејците, мора да ја гарантираме сопствената безбедност“, предупреди Макрон.

Тој додаде дека во свет без правила, „преовладува законот на посилниот“.

Од војната во Украина до Блискиот Исток, Европа се соочува со невидени закани и дека мирот зависи од одлуките донесени сега, рече Макрон.

„Уште еднаш сме во годините кога се создава историја“, рече претседателот.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top