Свет

Германија и САД потпишаа декларација за одбранбена соработка

Писториус и Хегсет се сретнаа синоќа во Вашингтон

Германскиот министер за одбрана Борис Писториус и неговиот американски колега Пит Хегсет синоќа во Вашингтон потпишаа декларација со намера за потесна соработка во одбранбени проекти, објави ДПА.

„Германија и САД го делат ставот дека актуелните предизвици во безбедносната политика бараат солидна и добро поврзана одбранбена индустриска база од двете страни на Атлантикот“, соопшти германското Министерство за одбрана по средбата на двајцата министри.

Во соопштението се наведува дека двете земји имаат силни одбранбени индустрии што можат и треба уште потесно да се надополнуваат во иднина, вклучително и во производството на најсовремени оружени системи, компоненти и комплексна муниција.

Високата побарувачка на одбранбена опрема бара зголемување на производствениот капацитет, пократки рокови за испорака и сигурно снабдување од двете страни на Атлантикот, со цел да се гарантира безбедноста на Алијансата преку навремени испораки и оперативна готовност.

Декларацијата со намера поставува политичка рамка за идни проекти, соопшти германското Министерство за одбрана. Таа опфаќа развој, производство, лиценцирано производство и одржување на одбранбена опрема.

Целта е да се зајакнат синџирите на снабдување, да се преиспитаат правилата за трансфер на технологии, како и да се интензивира соработката во истражувањето и развојот.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top