Свет

Голема рација во САД – приведени 475 лица

Министерството за внатрешна безбедност соопшти дека агентите извршиле судски налог за претрес „како дел од тековна кривична истрага за наводни нелегални практики за вработување и други сериозни федерални прекршувања“

freepik.com

Во голема рација на имиграциската полиција во фабрика на Хјундаи во Џорџија, САД, беа приведени 475 имигранти за кои се сомнева дека нелегално живеат и работат во земјата, изјави висок функционер од Министерството за внатрешна безбедност за Си-Би-Ес Њуз.

Рацијата беше насочена кон еден од најголемите производствени погони во Џорџија, кој гувернерот и други официјални лица го опишаа како најзначајниот проект за економски развој во историјата на државата. Hyundai Motor Group, јужнокорејска компанија, започна со производство на електрични возила пред една година во фабрика вредна 7,6 милијарди долари, каде работат околу 1.200 луѓе. Изградбата на соседна фабрика за производство на батерии за електрични возила е привремено запрена.

Министерството за внатрешна безбедност соопшти дека агентите извршиле судски налог за претрес „како дел од тековна кривична истрага за наводни нелегални практики за вработување и други сериозни федерални прекршувања“.

Јужнокорејското Министерство за надворешни работи соопшти дека испраќа службеници на местото на настанот и ја повика американската амбасада во Сеул „да постапува со исклучителна претпазливост за да се заштитат легитимните права и интереси на корејските граѓани“.

Најнови вести од: Свет

Путин предупредува: САД распоредуваат стратешко нуклеарно оружје ширум светот

Рускиот претседател Владимир Путин се осврна на глобалното наоружување, истакнувајќи дека модерното стратешко нуклеарно оружје е посилно од бомбите што САД ги фрлија на Хирошима и Нагасаки.

Рама се пошегува на сметка на Трамп, Макрон се изнасмеа (ВИДЕО)

Трамп во август во интервју за „Фокс њуз“ се фалеше дека сопрел 7 потенцијални војни во светот и притоа направи гаф, зборувајќи за конфликтот меѓу меѓу Ерменија и Азербејџан околу Нагорно-Карабах кој заврши со потпишување мир во Белата куќа.

To top