Свет

Говедското месо во оваа земја поскапе за 150%, слабее и валутата

Иран се закани со одмазда против секоја земја што ќе се приклучи кон новата американска кампања за економски притисок врз Техеран, додека Вашингтон најавува потег што американскиот министер за финансии, Скот Бесент, го опишува како „најголема финансиска офанзива некогаш покрената против некој противник“.

Иранската валута падна на рекордно ниско ниво, додека Вашингтон се подготвува да објави нови санкции за кои тврди дека дополнително ќе го зголемат притисокот врз иранската економија. На почетокот на тргувањето на валутните пазари, ријалот падна на 2,02 милиони за еден американски долар. Официјалниот курс на Централната банка на Иран беше околу 1,5 милиони ријали за долар, но пазарниот курс е оној по кој повеќето Иранци купуваат долари.

Валутата веќе беше под притисок пред САД и Израел да го нападнат Иран на 28 февруари, во време кога земјата се соочуваше со двоцифрена инфлација и негативен економски раст, пишува АП.

Сепак, оттогаш, ријалот постојано достигнува нови рекордно ниски вредности, додека речиси шест месеци војна дополнително ја влошија економската состојба.

Секојдневните производи се сè помалку достапни за Иранците. Од почетокот на војната, цената на оризот се зголеми за околу 60 проценти, додека цената на говедското месо се зголеми за повеќе од 150 проценти. Меѓународниот монетарен фонд прогнозира дека БДП ќе се намали за повеќе од пет проценти. Сепак, економскиот притисок сè уште не се претворил во политички притисок. Иран продолжува да има важна стратешка предност: нападите и заканите кон бродовите во Ормутскиот теснец речиси го запреа сообраќајот низ овој клучен воден пат, што ѝ штети на светската економија и дополнително го зголемува притисокот врз американскиот претседател Доналд Трамп пред изборите за Конгресот.

Како резултат на тоа, војната се претвори во борба за контрола врз теснецот, низ кој минуваше една петтина од светската трговија со нафта пред конфликтот. Иран сега одбива целосно да го отвори освен ако не му биде дозволено да наплаќа за премин на бродови.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top