Свет

Граната експлодира во близина на автомобилот на потпретседателот на САД

За време на воена вежба по повод 250-годишнината од основањето на американскиот морнарички корпус обезбедувањето на потпретседателот на САД, Џеј Ди Венс, беше погодено од метални шрапнели

2 минути за читање

За време на воена вежба по повод 250-годишнината од основањето на американскиот морнарички корпус во базата „Камп Пендлтон“ во Калифорнија, дел од обезбедувањето на потпретседателот на САД, Џеј Ди Венс, беше погодено од метални шрапнели откако артилериска граната предвреме експлодира во воздухот над автопатот I-5, соопшти сообраќајната полиција на Калифорнија (CHP).

Инцидентот се случи за време на вежба со боева муниција, при што полицајците на CHP го стопираа сообраќајот од автопатотот од безбедносни причини, иако воените претставници тврдеа дека затворањето не било неопходно. Гранатата од 155 милиметри, испукана од бродови на американската морнарица кон копното, предвреме детонирала околу 13:46 часот, а делови од неа погодиле патролен автомобил и мотоцикл од обезбедувањето на Венс, кои биле паркирани во близина на влезот Лас Пулгас Роуд. Шрапнелите, големи околу 5 на 6 сантиметри, предизвикале мали вдлабнатини и гребнатини на возилата, но никој не бил повреден. По инцидентот, морнаричкиот корпус ги откажал останатите испалувања над автопатот и започнал истрага за да утврди ја причина за дефектот.

– Ова беше невообичаена и загрижувачка ситуација, изјави началникот на граничната дивизија на CHP, Тони Коронадо.

– Многу е невообичаено каква било обука со боево оружје или експлозив да се случи на активен автопат. Како маринец, имам огромно почитување кон нашите воени партнери, но моја најважна одговорност е да ја обезбедам сигурноста на луѓето од Калифорнија и полицајците кои ги штитат, додаде тој.

Вежбата, дел од амфибиската демонстрација на Црвената плажа со илјадници војници, ветерани и високи гости вклучително и министерот за одбрана Пит Хегсет, предизвика и поделби: гувернерот на Калифорнија Гавин Њусом ја критикуваше како ризично „ванити шоу“ што загрозило животи и предизвикало неколкучасовни гужви на автопатот, додека портпаролот на Венс ја обвини за дезинформации и ја пофали неопходноста од вакви тренинзи за да се одржи американската воена супериорност. CHP препорача дополнителен преглед на комуникацијата и координацијата меѓу федералните, државните и локалните агенции за идни настани блиску до јавни патишта.

Поврзани теми:

воена вежба|САД|избор|експлозија|Џеј Ди Венс

Повеќе на оваа тема:

Најнови вести од: Свет

Во Кина пробиена планина долга 22 километри и се изгради најдолгиот автопатски тунел!

Кина го пушти во употреба најдолгиот автопатски тунел во Азија, долг 22,13 километри, кој минува низ планините во покраината Гуиџоу. Тунелот „Тјаншан Шенгли“, со модерно осветлување и бетонска конструкција, веќе се смета за едно од најзначајните инженерски остварувања во регионот.

„Политико“: Пука обединетиот европски фронт против Трамп – се разоткриваат старите линии на внатрешниот расцеп во ЕУ

„Лидерите на ЕУ се подготвуваат за големи борби околу прашања, кои се движат од заеднички одбранбени проекти до економски реформи, но обидот за олабавување на зависноста на Европа од Америка на Доналд Трамп открива длабоки поделби меѓу 27-те земји на блокот. Обновената желба да се намали зависноста од Вашингтон ги исфрла на површина познатите несогласувања пред самитот на лидерите на ЕУ во четврток.“ – објави денес аналитичкиот портал за европски прашања „Политико“ од Брисел во анализата со наслов „Настојувањето на Европа да оди сама ги разоткрива старите линии на нејзиниот внатрешен расцеп и на грешките“.

Десет мртви и 27 повредени во оружен напад во средно училиште во Британска Колумбија, Канада

Десет лица се убиени, вклучувајќи го и напаѓачот, вчера, на 10 февруари, во оружен напад во средно училиште во градот Тамблер Риџ, во Британска Колумбија, во Канада. Во училиштето има 160 ученици од 7 до 12 одделение на возраст од 12-18 години. ‘Полицијата спречила оваа ужасна трагедија да стане уште полоша.’.  објавија властите. Би-Би-Си јави дека пукањето се случило околу 13:20 часот по локално време.

Хрватска: Калуѓерката лажела дека била напднта со нож од мигрант

Обвинителството бара казна од 10 месеци затвор за калуѓерката Т.З. (35), условна казна од три години, откако е обвинета за лажно пријавување кривично дело, бидејќи поднела кривична пријава против непознат напаѓач иако самата нанела повреди со нож

Урсула фон дер Лајен пред ЕП: Спремна сум да напредувам дури и без согласност на сите 27 членки

Претседателката на Европската комисија, Урсула фон дер Лајен, денеска во обраќањето пред Европскиот парламент во Стразбур ја истакна потребата од итно поедноставување и интеграција на пазарот на капитал во Европската Унија, со цел да се намали фрагментацијата и да се зајакне конкурентноста на европските компании во глобалниот контекст.
Сите вести од Свет

Најнови вести

To top