Во 2024 година, 17,4% од населението на ЕУ се сметало за субјективно сиромашно, што е подобрување во однос на 19,1% регистрирани во 2023 година, објави Евтостат.
Меѓу земјите на ЕУ, Грција имаше највисока стапка на луѓе кои се сметале за субјективно сиромашни (66,8%), по што следуваат Бугарија (37,4%) и Словачка (28,7%). На другиот крај од скалата, најниски стапки се пријавени во Холандија и Германија (и двете 7,3%) и Луксембург (8,5%).
Субјективната сиромаштија се однесува на тоа како поединците ја перцепираат сопствената финансиска и материјална состојба.
Тоа е концепт базиран на резултатите од статистиката на ЕУ за приходите и условите за живот (EU-SILC), собирање податоци кое се спроведува низ сите членки на ЕУ, како и во повеќето земји-членки на ЕФТА и земјите-кандидатки.
Целта на овој индикатор е да се процени перцепцијата на испитаниците за тешкотиите што ги доживува домаќинството при врзувањето крај со крај.
Проценката ја зема предвид материјалната благосостојба на домаќинствата, вклучувајќи ги приходите, расходите, долгот и богатството.