Попладнево, француската полиција изврши интервенција на железничката станица „Монпарнас“ во срцето на Париз поради истрели, при што евакуацијата на патниците сè уште трае, според очевидци.
Станицата моментално е целосно затворена, а официјалните причини за акцијата сè уште не се соопштени, пренесува Ројтерс. Францускиот портал Actu извести дека се слушнале истрели на станицата „Монпарнас“ во 15-тиот арондисман.
Еден маж бил погоден со најмалку два куршума, велат неофицијални извори. Утврден е безбедносен кордон, а на лице место пристигнува и возило на итната помош. Според француските медиуми, едно лице во возот од Рен било погодено од полициски оган. Интервенцијата предизвика прекин во железничкиот сообраќај.
🔴 ALERTE INFO • Un homme armé d’un couteau a été neutralisé par la police dans la Gare Montparnasse, à Paris.
L’un des policiers a ouvert le feu contre l’individu. (BFMTV • témoins) pic.twitter.com/No6K2ko1v6
— FOCUS (@FocusFR_) November 14, 2025