Свет

Израелски министер се закани дека „ќе го убие Хамнеи“

На врховниот лидер на Иран, Али Хамнеи, „веќе не може да му се дозволи да постои“ откако израелската болница Сокоро беше погодена во ирански ракетен напад, се закани израелскиот министер за одбрана. Во разговор со новинарите во близина на Тел Авив, министерот Израел Кац наводно рекол: „Хамнеи отворено изјавува дека сака Израел да биде уништен, […]

На врховниот лидер на Иран, Али Хамнеи, „веќе не може да му се дозволи да постои“ откако израелската болница Сокоро беше погодена во ирански ракетен напад, се закани израелскиот министер за одбрана.

Во разговор со новинарите во близина на Тел Авив, министерот Израел Кац наводно рекол: „Хамнеи отворено изјавува дека сака Израел да биде уништен, тој лично дава наредба за пукање врз болниците“, пренесе Јерусалем пост

„Тој (Хамнеи) смета дека уништувањето на државата Израел е цел… На таква личност повеќе не може да ѝ се дозволи да постои“.

Кац директно се закани дека ќе го убие иранскиот ајатолах Али Хамнеи како одговор на иранските балистички ракети што го погодија Медицинскиот центар Сорока во Бершеба.

Кац рече: „Хамнеи ќе плати за своите злосторства“.

Министерот за одбрана додаде дека Израел сега ќе започне со напади врз нови видови стратешки цели во Иран „со цел да ги отстрани заканите што висат над Државата Израел и да го разниша режимот на ајатолахот“.

Претходно, иранските државни медиуми објавија дека главната цел на ракетниот напад утрово била воена локација веднаш до болницата Сорока, а не самата болница.

Најнови вести од: Свет

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

Кремљ ја укинува забраната за ликвидација на Зеленски и военото раководство?

Претставници на безбедносните служби побарале дозвола за физичка елиминација на највисокото воено и политичко раководство на Украина, пишува „Московски комсомолец“, руски весник близок до властите

To top