Свет

Јапонски министер се извини дека „не купува ориз“, оти го добивал како подарок

Министерот за земјоделство на Јапонија, Таку Ето, се извини за изјавата дека „никогаш не морал да купува ориз“ благодарение на подароците од поддржувачите, објави Ројтерс. Неговата изјава ги налути потрошувачите кои се соочуваат со екстремно високи цени на основните прехранбени производи. По изјавата социјалните ммрежи беа преплавени со лути коментари. „Готов сте. Побрзајте и поднесете […]

Министерот за земјоделство на Јапонија, Таку Ето, се извини за изјавата дека „никогаш не морал да купува ориз“ благодарение на подароците од поддржувачите, објави Ројтерс.

Неговата изјава ги налути потрошувачите кои се соочуваат со екстремно високи цени на основните прехранбени производи.

По изјавата социјалните ммрежи беа преплавени со лути коментари.

„Готов сте. Побрзајте и поднесете оставка“, напиша еден корисник на социјалната мрежа X.

Ето се извини за своите зборови, објаснувајќи дека се изразил неточно и можеби претерал, и го избегна прашањето дали планира да поднесе оставка.

Тој објасни дека сепак во неговото домакинство се купува ориз.

„Сопругата штотуку ме искара по телефон“, истакна Ето.

„Само ние двајца сме, па обично имаме доволно, но таа ми кажа дека кога ќе ѝ снема, всушност излегува и купува ориз.“

Најнови вести од: Свет

Русија и Кина бараат одложување: Санкции против Иран неизбежни

Советот за безбедност на Обединетите нации (СБ на ОН) денеска ќе гласа за нацрт-резолуција за иранското нуклеарно прашање, пред истекот на рокот за „snapback“ (повторно воведување) на санкциите против Техеран на 27 септември.

Предлог Тони Блер да ја предводи преодната влада во Газа

Експремиерот, кој ја предводеше Велика Британија во војната во Ирак во 2003 година, учествува во разговори на високо ниво со сите страни за да се стави крај на војната и да се планира иднината на палестинските територии по конфликтот.

Најнови вести

To top