Свет

Кличко: Ако не го запреме Путин во Украина – ќе нападне и други земји

Целите на Путин се сосема јасни. Тој сака да ја стави цела Украина под своја контрола, без оглед на цената

Градоначалникот на Киев, Виталиј Кличко, ја повика Германија да ѝ испрати на Украина крстосувачки ракети „Таурус“ откако канцеларот Фридрих Мерц наговести дека е подготвен да ги испорача, објави ДПА.

„Канцеларот Фридрих Мерц во минатото изјави дека руските напади врз цивилни цели треба да бидат проследени со испорака на ракети „Таурус“, рече Кличко напис за германскиот весник „Билд“.

Градоначалникот, исто така, посочи на зголемениот „чист терор“ на рускиот претседател Владимир Путин.

„Две илјади згради се уништени во нашиот град. Има повредени и смртни случаи одново и одново“, додаде тој. Според Кличко, Путин покажал дека не сака примирје, мир или крај на војната.

„Целите на Путин се сосема јасни. Тој сака да ја стави цела Украина под своја контрола, без оглед на цената“, рече тој. „Ако не го запреме заедно во Украина, тој ќе нападне и други земји после тоа“, предупреди градоначалникот на главниот град.

Претходникот на Мерц, Олаф Шолц, одби да испорача ракети „Таурус“ со дострел од 500 километри од страв да не ја вовлече Германија понатаму во војната.

Најнови вести од: Свет

Белгија ќе ја признае Палестина, најавени санкции против Израел

Белгија ќе ја признае државата Палестина на седницата на Генералното собрание на Обединетите нации (ГСОН) овој месец и ќе воведе пакет од 12 санкции против Израел, објави белгискиот министер за надворешни работи и вицепремиер Максим Прево.

Трамп ќе го одликува Руди Џулијани со „медал на слободата“

Американскиот претседател Доналд Трамп синоќа соопшти дека ќе му го додели Претседателскиот медал на слободата, највисокото цивилно признание во САД, на поранешниот градоначалник на Њујорк, Руди Џулијани.

Започнува судскиот процес против Болсонаро , обвинет за обид за пуч

Врховниот суд на Бразил денеска ќе започне со сослушувањата во случајот против поранешниот претседател Жаир Болсонаро, обвинет за обид за државен удар по победата на неговиот наследник, левичарот Луис Инасио Лула да Силва, на изборите во 2022 година.

To top