Францускиот претседател Емануел Макрон изјави дека е подготвен да „отвори дебата“ за распоредување воени авиони вооружени со нуклеарно оружје во Европската Унија.
„Сакам да започнам дебата, но Франција нема да плаќа за безбедноста на другите, тоа нема да биде на сметка на она што го поседуваме, а конечната одлука за употреба на нуклеарни средства секогаш ќе биде на Франција“, рече Макрон во интервју за телевизијата TF1.
Тој рече дека е подготвен да започне дискусија за европското нуклеарно одвраќање што би го обезбедила Франција.