Мерц: Европа „не е во војна, но веќе не е ни во мир“ со Русија

Германскиот канцелар Фридрих Мерц изјави во понеделник дека Европа „не е во војна, но повеќе не е во мир“ со Русија,

„Дозволете ми да го кажам тоа во реченица што може да биде малку шокантна на прв поглед: ние не сме во војна, но повеќе не сме во мир“, изјави германскиот канцелар на  настан во Дизелдорф, објави Ројтерс..

Војната на Русија е „војна против нашата демократија и војна против нашата слобода“, рече Мерц, додавајќи дека намерата на Москва е да го поткопа единството во блокот.

Исто така, го наведе своето неодамнешно одобрување на планот на Европската унија (ЕУ) за отклучување на замрзнатите руски средства за финансирање на воените напори на Украина.

Овој потег би можел да обезбеди воена поддршка на Украина за период од три до пет години.

Мерц рече дека во тој период би можело да стане економски неодржливо за Русија да ја продолжи својата војна против Украина.

ЕУ има намера да ѝ испрати на Украина до 200 милијарди евра руски пари што се чуваат во белгиски депозитар и да ги замени за обврзници поддржани од ЕУ.

Досега, ЕУ собрала само камата генерирана од руски средства што беа замрзнати од почетокот на војната во февруари 2022 година.

Германија, најголемата економија во ЕУ и втор најголем воен поддржувач на Украина, претходно изрази правни загрижености во врска со какви било предлози за целосно запленување на средствата…