Германскиот канцелар изјави дека не гледа шанси Украина да се приклучи на Европската Унија во блиска иднина.
„Пристапувањето на 1 јануари 2027 година не доаѓа предвид. Тоа е невозможно“, рече Фридирих Мерц по консултациите меѓу лидерите на СПД и ЦДУ/ЦСУ во Канцеларијата во Берлин, пренесува RBC-Ukraine.
Тој објасни дека секоја земја што сака да се приклучи на ЕУ мора да ги исполни Копенхашките критериуми, процес што обично трае неколку години.
Во исто време, Мерц нагласи дека е важно Украина да има јасна перспектива што би го отворила патот кон членство во ЕУ. Сепак, тој нагласи дека ова е долгорочен процес.
„Можеме постепено да ја доближиме Украина до Европската Унија. Тоа е секогаш можно, но таквото брзо пристапување едноставно нема смисла“, заклучи германскиот канцелар.
Во декември, „Фајненшл тајмс“ јави дека ЕУ се спротивставува, велејќи дека пристапувањето до 2027 година е малку веројатно.
Причината е што Украина официјално не завршила ниту една од 36-те фази од процесот на преговори за пристапување.
Украинските власти неколку дена по ред потврдуваа дека мировниот план на САД ја вклучува 2027 година како целен датум за пристапување на Украина во ЕУ. Сепак, тие додадоа дека оваа одредба се ревидира поради приговори од некои земји-членки на ЕУ.