Свет

Милановиќ: Хрватски војници нема да учествуваат во туѓи војни

Хрватскиот претседател контра премиерот Пленковиќ

Уште еднаш хрватскиот претседател Зоран Милановиќ се изјасни контра евентуалното вмешување на Хрватска во украинскиот конфликт.

Тој  на својот Фејсбук профил на вклучувањето на хрватскиот премиер во разговорите на таканаречената „Коалиција“  во која се вклучени и земји чии лидери претходно зборуваа за евентуално испраќање војници во Украина.

„Бидејќи премиерот на Република Хрватска неодамна се приклучи на разговорите на таканаречената „Коалиција на ….“, во која се вклучени и земји чии лидери најавија испраќање свои војници во Украина, би сакал да ве потсетам дека Хрватска е членка на Европската Унија и НАТО и има само обврски што произлегуваат од членството во овие сојузи.

Хрватска нема обврски што произлегуваат од политички или воени договори меѓу лидерите на таканаречената Коалиција …, а Владата на Република Хрватска не е овластена од никого да ја турка Хрватска во какви било нови коалиции што би можеле да вклучат учество на хрватски војници во војната во Украина. Добив мандат од хрватскиот народ да застапувам таков став и затоа повторувам дека хрватските војници нема да учествуваат во туѓи војни“, рече Милановиќ.

За потсетување, Пленковиќ вчера учествуваше на видеоконференција на лидерите наспоменатата Коалиција и рече дека на Украина ѝ е потребен одржлив мир што ќе го почитува нејзиниот територијален интегритет и меѓународното право. На вчерашниот состанок, Пленковиќ им се придружи, меѓу другите, на францускиот претседател Емануел Макрон, британскиот премиер Кир Стармер, италијанската премиерка Џорџија Мелони и генералниот секретар на НАТО, Марк Руте.

„Нагласив дека продолжуваме да го поддржуваме постигнувањето праведен и одржлив мир што ќе го почитува меѓународното право и територијалниот интегритет на Украина, со долгорочни безбедносни гаранции“, напиша хрватскиот премиер на X.

„Ова е важно и за заштитата на заедничките вредности, како и за европската и глобалната безбедност“, додаде Пленковиќ.

„Коалицијата на волните“ ги обединува повеќето големи европски земји, ЕУ, НАТО и неевропски земји како што е Канада.

Најнови вести од: Свет

Фон дер Лајен: На нашето небо се случува нешто ново и опасно

Претседателката на Европската комисија, Урсула фон дер Лајен, во денешното обраќање пред европратениците во Стразбур, за време на дебатата за европскиот одговор на руските нарушувања на воздушниот простор и заканите кон критичната инфраструктура, истакна дека нешто ново и алармантно се случува над европското небо.

Италијанската премиерка обвинета за соучество во геноцидот во Газа!?

Мелони, кој одржува блиски врски со администрацијата на Доналд Трамп, инсистира дека Италија ќе признае палестинска држава само ако израелските заложници бидат ослободени и Хамас биде отстранет од власт

Трагедија во Мадрид: Архитект и работници меѓу загинатите

Во Мадрид, четири лица го загубија животот откако дел од зграда во фаза на обнова се сруши, јави националниот радиодифузер RTVE во раните утрински часови, повикувајќи се на извештаите од екипите за итни интервенции.

Најнови вести

To top