Свет

Над 300 загинати во катастрофалните поплави на Суматра

Некои области на островот се речиси целосно блокирани

Бројот на жртви во поплавите и лизгањата на земјиштето по монсунските дождови на индонезискиот остров Суматра се искачи на 303, соопшти денеска Агенцијата за ублажување на последиците од катастрофи во таа држава.

Некои области на островот се речиси целосно блокирани поради оштетени патишта и прекинати комуникациски линии. Авионите за спасувачки операции доставуваат помош и залихи во тешко погодениот округ Централен Тапанули во покраината Северна Суматра, како и во други области. Спасувачките операции се отежнати поради оштетените мостови и патишта, како и поради недостигот на тешка опрема.

Монсунските дождови во последната недела предизвикаа излевање на реките во покраината Северна Суматра. Поплавите го опустошија планинското село, однесоа илјадници куќи и згради, соопшти Националната агенција за управување со катастрофи. Близу 3.000 семејства кои останаа без своите домови, се евакуирани и им е обезбедено засолниште од државата.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

To top