ФБИ објави слики од осомничено лице во врска со убиството на Чарли Кирк, кој вчера беше застрелан и убиен на кампусот на Универзитетот во сојузната држава Јута.
Федералната агенција бара помош од јавноста за идентификување на осомничениот, објавија медиуми..
Според властите, стрелецот бил виден на покривот на зградата пред да избега од местото на настанот. За време на прес-конференцијата, официјалните лица изјавија дека го пронашле оружјето за кое се верува дека е употребено во пукањето и рекоа дека стрелецот „веројатно е на студентска возраст“.
Истражителите, исто така, пронајдоа отпечаток од чевел, отпечатоци од раце и отпечатоци од подлактица кои моментално се анализираат.
Тие рекоа дека имаат „видео снимки со висок квалитет“ од камерите за надзор и ги следеле движењата на напаѓачот непосредно пред и по пукањето.
Досега, две лица испрашувани во врска со инцидентот се ослободени. Идентитетот на главниот осомничен и мотивот за нападот остануваат непознати. Шпекулациите на социјалните мрежи се многубројни, но властите не потврдија ниедна верзија.
Во меѓувреме, агенцијата објави награда до 100.000 долари за информации што ќе доведат до идентификација и апсење на сторителот или сторителите.
🚨 NEW FOOTAGE ::: SHOOTER ON ROOF
FBI releases exclusive close-up footage of Charlie Kirk shooter suspect jumping off Utah Valley University roof, 3 mins after the assassination. Suspect fled the scene, with over 7,000 tips already received. #CharlieKirk pic.twitter.com/dYj4Qk4qAm
— Culture War Report (@CultureWar2020) September 12, 2025