Свет

Олмерт: Воено злосторство е ова што го прави Израел во Газа

Поранешниот израелски премиер Ехуд Олмерт го критикуваше политичкото раководство на земјата и однесувањето на нејзината војска, изјавувајќи за Си-Ен-Ен дека повеќе не е во можност да го брани Израел од обвинувањата за воени злосторства. Олмерт, кој ја водеше земјата од 2006 до 2009 година, коментираше за 11-неделната блокада на хуманитарната помош во Газа од страна […]

Поранешниот израелски премиер Ехуд Олмерт го критикуваше политичкото раководство на земјата и однесувањето на нејзината војска, изјавувајќи за Си-Ен-Ен дека повеќе не е во можност да го брани Израел од обвинувањата за воени злосторства.

Олмерт, кој ја водеше земјата од 2006 до 2009 година, коментираше за 11-неделната блокада на хуманитарната помош во Газа од страна на Израел и зголемениот број убиени Палестинци.

„Што е ова ако не е воено злосторство?“, праша тој реторички во интервјуто за Си-Ен-Ен.

Тој рече дека премиерот Бенјамин Нетанјаху и крајно десничарските членови на неговата влада „извршуваат дејствија што не можат да се толкуваат на кој било друг начин“.

Од почетокот на војната, Олмерт го бранеше Израел во странство од обвинувањата за геноцид и етничко чистење во Газа.

Но, 19 месеци по почетокот на војната, за која Олмерт рече дека требало да заврши пред една година, тој повеќе не може да ја брани таа позиција.

Поранешниот премиер напиша во израелскиот весник „Хаарец“ во вторникот: „Она што го правиме сега во Газа е војна на уништување: неселективно, неконтролирано, брутално и криминално убивање на цивили“.

Според палестинското Министерство за здравство во Газа, повеќе од 54.000 Палестинци се убиени во Газа од почетокот на војната, вклучувајќи најмалку 28.000 жени и деца.

Во јануари,пак, израелските одбранбени сили (ИДФ) соопштија дека убиле повеќе од 20.000 милитанти на Хамас.

Најнови вести од: Свет

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

Кремљ ја укинува забраната за ликвидација на Зеленски и военото раководство?

Претставници на безбедносните служби побарале дозвола за физичка елиминација на највисокото воено и политичко раководство на Украина, пишува „Московски комсомолец“, руски весник близок до властите

To top