Унгарија има фундаментален егзистенцијален интерес да го обезбеди успехот на претстојниот Самит за мир во Будимпешта, изјави премиерот Виктор Орбан денеска во објава на својата Фејсбук страница, објави порталот About Hungary.
„Убаво е што Трамп и Путин се среќаваат во Будимпешта – но како тоа ќе го направи лебот поевтин?“, напиша Орбан, осврнувајќи се на она што го нарече „единственото прашање“ што остана за „левичарските аналитичари и политичари“ по објавувањето на самитот.
„Ајде да погледнеме како“, додаде тој.
Премиерот објасни дека во текот на првите три години од војната меѓу Русија и Украина, Унгарија изгуби 9.100 милијарди форинти (23,4 милијарди евра), што е еквивалентно на повеќе од два милиони форинти (приближно 5,000 евра по семејство).
„Цените на енергијата и гасот скокнаа, инфлацијата скокна, изгубивме пари од санкциите, трговијата се намали, приносите од обврзниците се зголемија, а трошоците за финансирање на земјата се зголемија“, напиша тој.
Според Орбан, завршувањето на војната веднаш ќе донесе економско олеснување.
„Ако се постигне мир, сето ова ќе заврши. Унгарската економија конечно може повторно да дише и да се врати на растот од пред војната.
Секој ќе заработува повеќе – и да, дури и лебот ќе стане поевтин“, нагласи тој.
„За Унгарија, од фундаментален егзистенцијален интерес е самитот за мир во Будимпешта да успее. Да направиме сè за да се случи тоа“ заклучува Орбан.
