Кремљ ја чека „важната изјава“ за Русија што ја најави американскиот претседател Доналд Трамп, бидејќи тоа е единствениот начин да дознаеме за што станува збор, изјави портпаролот на Кремљ, Дмитриј Песков.
– Ја чекаме изјавата, за да разбереме што мислел претседателот Трамп … Внимателно ги бележиме сите нијанси во коментарите на шефот на американската држава, наведе Песков.
Трамп вчера за „Ен-би-си њуз“ (NBC News) посочи дека в понеделник ќе даде „важна изјава“ за Русија.
Тој, на 4 јули, по телефонскиот разговор со Путин, изрази разочарување од рускиот претседател. Трамп истакна дека Путин не мисли да ја запре војната во Украина.