Свет

Претставници на Трамп пристигнаа во Берлин на разговори за Украина

Претседателот на Украина, Володимир Зеленски, го потврди своето доаѓање во германската престолнина

1 минута за читање

Специјалниот американски пратеник Стив Виткоф и Џаред Кушнер, зет на претседателот на САД Доналд Трамп, пристигнаа во Берлин, каде ќе го предводат американското претставништво на разговорите за прекин на огнот во Украина.

Се очекува разговорите да се одржат меѓу американската делегација, претставници на Украина и претставници на клучните европски сили. Засега не се соопштени детали за времето и форматот на средбите.

Почетните разговори ќе се водат на ниво на советници и зад затворени врати, без објавување дополнителни информации за содржината.

Во Берлин пристигнува и Зеленски

Претседателот на Украина, Володимир Зеленски, го потврди своето доаѓање во германската престолнина. Портпаролот на германската влада, Штефан Корнелиус, во петокот најави дека Зеленски утре ќе се сретне со германскиот канцелар Фридрих Мерц.

Виткоф на почетокот на месецов оствари средба со рускиот претседател Владимир Путин. За време на разговорите, Путин изразил подготвеност за понатамошни преговори, но истовремено нагласил дека Русија ја има стратешката иницијатива и дека, доколку не се постигне договор, ќе продолжи со остварување на своите воени цели со сила.

Поврзани теми:

преговори|Доналд Трамп|Володимир Зеленски|Берлин|избор

Повеќе на оваа тема:

Најнови вести од: Свет

Водачот на најбројната бунтовничка група во Колумбија ФАРК повика на „обединување за борба против американска интервенција“

Водачот на најбројната бунтовничка група на Револуционерните вооружени сили на Колумбија (Fuerzas Armadas Revolucionarias de Colombia – FARC), Нестор Грегорио Вера, во видео порака, повика на обединување на сите герилци во оваа латиноамериканска земја со цел „борба против американската интервенција“. „Сенката на интервенционистичкиот орел се надвива подеднакво над сите. Судбината нè повикува да се обединиме. Ние не сме раштркани сили, ние сме следбеници на истата цел. Да го покажеме нашето единство со дела и да создадеме голем блок со кој ќе го истиснеме непријателот од нашата татковина“, им порача Грегорио Вера на членовите на Националната ослободителна армија (ELN) и Боливарската герилска армија, групи кои се отцепија од FARC.

Алис Вајдел, АФД: ЕУ и нејзината диктатура мора да бидат распуштени, Урсула Лаен не може да ја одредува судбината на Европа!

Алис Вајдел, претседателката на десничарската партија Алтернатива за Германија, им се обрати на граѓаните на Германија во видео-порака, во која го најави можното „излегување на Германија од Европската Унија“, ако оваа десничарска партија застане на кормилото на германската држава. Според анкетите спроведени од неколку истражувачки агенции од почетокот на јануари оваа година, германската партија AfD (Алтернатива за Германија) води со неколку процентни поени и е на врвот на германските партии, кои уживаат најголема доверба кај Германците.

Мелони: Трамп нема намера насилно да ги анектира Грендланд и Панамскиот канал, туку ѝ праќа порака на Кина!

Претседателката на Владата на Италија Ѓорѓа Мелони изјави дека САД немаат намера „насилно да ги анектираат“ Гренланд и Панамскиот канал. Таа смета дека изјавите на Доналд се порака насочена кон Кина. Таа вели дека „исклучува оти САД насилно ќе припојат територии од нивни интерес во наредните години“, нагласувајќи дека Кина е многу заинтересирана за овие […]

Во Словенија во средно училиште ученик со нож избодел соученичка

„Меѓу учениците се зборува дека полицијата пронашла документи во училишниот тоалет, што би можеле да бидат поврзани со нападот. Се верува дека станува збор за некаков вид списоци.“ – објави „Соботаинфо“, не наведувајќи дали ученикот-напаѓач можеби имал намера да напаѓа со нож и други соученици, според тие списоци?!
Сите вести од Свет

Најнови вести

To top