Рејтингот претседателот Доналд Трамп падна во последните денови на најниската точка откако се врати во Белата куќа.
Причина за тоа се порастот на цените на горивата и широкото неодобрување на војната што ја започна против Иран, покажа анкета на Ројтерс/Ипсос.
Четиридневната анкета, завршена во понеделник, покажа дека само 36% од Американците го одобруваат работењето на Трамп, што е намалување од 40% .
Ставовите на Американците за Трамп значително се влошија во однос на неговото управување со економијата и трошоците за живот, бидејќи цените на бензинот скокнаа откако САД и Израел започнаа координирани напади врз Иран на 28 февруари.
Само 25% од испитаниците го одобрија начинот на кој Трамп се справува со трошоците за живот, прашање што беше во центарот на неговата претседателска кампања за изборите во 2024 година.
Само 29% од граѓаните го одобрува економското управување на Трамп, што е најнизок рејтинг во која било од претседателските администрации на Трамп и понизок од кој било економски рејтинг на неговиот претходник, демократот Џо Бајден.
Аналитичарите велат дека анкетата укажува дека Трамп се соочува со значителен јавен отпор.
Рејтингот на Трамп беше 47% во првите денови од неговото претседателствување, а од минатото лето во голема мера се задржа околу 40%.
Тој останува над најниската точка на популарност за време на неговата прва администрација од 33% и малку повисок од најниската точка , 35 % на која падна Бајден.