Русија синоќа започна целосен воздушен напад врз Украина, во кој беа повредени најмалку четворица железнички работници, а поради што Полска крена воени авиони, објавија денес украинските и полските власти.
Единиците за воздушна одбрана на Украина беа ангажирани во одбивањето на рускиот воздушен напад врз Киев, објави воената администрација на градот, пренесува Ројтерс.
Предупредувањата за воздушен напад беа на сила со часови низ цела Украина, а експлозии се слушаа во девет од нејзините 24 региони, од Киев до Лвов и Волхинија на запад.