Од 1 април Русија ќе воведе забрана за извоз на бензин која ќе важи за сите учесници на пазарот, вклучително и за самите производители.
Мерката има за цел да го заштити домашното снабдување со гориво и да обезбеди стабилност на цените во услови на глобална енергетска криза.
Одлуката била донесена на состанок што го одржал потпретседателот на руската влада, Александар Новак, со раководствата на нафтените компании.
Според добро информирани извори, точниот рок на траење на забраната сѐ уште не е официјално утврден, но се очекува таа да важи најмногу три месеци.
Во моментов не се разгледува можност за воведување на слична забрана и за извоз на дизел гориво.
Претходно, руските власти веќе размислувале за проширување на мерката.
Актуелната забрана за извоз на бензин и дизел, која важи до 31 јули, досега се однесуваше само на компаниите што не се производители на гориво.
Новак претходно истакна дека Русија мора итно да преземе мерки за да обезбеди доволно гориво за домашниот пазар, нагласувајќи дека стабилноста на снабдувањето е апсолутен приоритет во услови на глобални енергетски предизвици.