Иранската Исламска револуционерна гарда (ИРГК) соопшти дека нејзините одмазднички напади врз Соединетите Американски Држави и Израел влегуваат во „нова фаза“, откако тврди дека лансирала четири балистички ракети кон американскиот авионски носач USS Abraham Lincoln во Персискиот Залив.
Според изјавата на ИРГК, објавена преку државните медиуми, носачот бил „погоден“ со четири балистички ракети во рамките на операцијата „True Promise-4“. Гардата предупреди дека „земјата и морето ќе се претворат во уште поголеми гробишта за терористичките агресори“, а вооружените сили ќе продолжат со интензивни операции на копно и на море. Ова е првпат Иран директно да тврди дека нападнал американски авионски носач во тековниот конфликт.
Американската страна досега не го потврдиле нападот. Ниту Пентагон, ниту Воената морнарица на САД не издадоа официјален коментар за евентуални штети, жртви или пресретнување на ракетите. USS Abraham Lincoln, нуклеарно-погонет носач од класата Nimitz, беше распореден во регионот уште во јануари 2026 година поради зголемените тензии и активно учествуваше во првите заеднички удари врз Иран на 28 февруари.
Иранскиот министер за надворешни работи Абас Арагчи, во интервју за Al Jazeera, ги повика земјите од Заливот да ги разберат иранските дејствија, бидејќи Техеран „е принуден да се брани“. Тој категорично ги отфрли можностите за промена на политичкиот систем во Иран преку надворешно мешање, нарекувајќи ја таа цел „невозможна задача“ за САД и Израел.
Од друга страна, израелскиот министер за надворешни работи Гидеон Саар ги отфрли сите обвинувања за нападот врз Иран и најави продолжување на „моќните удари“ во соработка со Соединетите Држави. „Ако овој режим повикува на уништување на Израел и презема активни чекори во таа насока, ние имаме целосно право да дејствуваме. Не можеме само да чекаме тој да го постигне својот циљ, кој го следи со непоколеблива упорност и по јуни минатата година“, изјави Саар.
Приоритет на САД во наредните денови и недели ќе биде уништувањето на иранскиот ракетен потенцијал, изјави претседателот на Сенатскиот комитет за разузнавање. Тој додаде дека копнени операции во Иран се можни единствено за спасување на пилоти од соборени авиони.
Ситуацијата останува исклучително тензична: Иран продолжува со ракетни и дронски напади врз регионални цели, Ормускиот теснец е практично парализиран, цените на нафтата брзо растат, а стравот од поширока војна е на врвот.
Засега нема потврда за директни жртви или штети на USS Abraham Lincoln, но самото тврдење на ИРГК значително ја заострува реториката и ги зголемува ризиците.
IRAN SAYS USS ABRAHAM LINCOLN ‘TARGETED AND STRUCK BY 4 BALLISTIC MISSILES’ pic.twitter.com/Qrm6GgLe8l
— RT (@RT_com) March 1, 2026
⚡️ Tehran’s strikes have entered a “new phase” — this is how the IRGC commented on the missile strike on the US aircraft carrier USS Abraham Lincoln.
The head of the Iranian Foreign Ministry, Abbas Araghchi, called on the Gulf countries to understand Iran’s actions, as it is… pic.twitter.com/wvG6ixKety
— Zlatti71 (@Zlatti_71) March 1, 2026