Свет

Стотици рабини повикаа Израел да престане со изгладнување на Палестинците

Обвинуваат за „користење на гладот како оружје“ во Газа и ги повикаа израелските власти да дозволат хуманитарна помош да стигне до енклавата

Рабини и еврејски научници од Соединетите Американски Држави, Обединетото Кралство, ЕУ и Израел потпишаа отворено писмо во кое тврдат дека „еврејскиот народ се соочува со сериозна морална криза“, објави Тајмс оф Израел.

„Ограничувањата за хуманитарен пристап до Газа и политиката на негирање на храна, вода и медицински материјали за цивилното население во потреба се спротивни на фундаменталните вредности на јудаизмот како што ги разбираме“, се вели во писмото.

Потписниците додават дека „се длабоко посветени на благосостојбата на Израел и на еврејскиот народ“, но „не можат да молчат“ пред лицето на растечкиот број на смртни случаи во Газа и растечката неухранетост.

Рабините го повикаа Израел да дозволи „обемна хуманитарна помош“, а воедно да спречи нејзино пренасочување кон Хамас, и побараа од израелските власти „веднаш, со сите расположиви средства, да ги вратат сите заложници и да го прекинат конфликтот“.

Писмото, објавено во петок,надминало 1.000 потписи.

Британскиот рабин Џонатан Витенберг изјави за „Џуиш кроникл“ дека води кампања за пробивање на „бездуховната рамнодушност кон гладот“ и апелира до „моралниот статус не само на Израел, туку и на самиот јудаизам“.

Најнови вести од: Свет

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

Кремљ ја укинува забраната за ликвидација на Зеленски и военото раководство?

Претставници на безбедносните служби побарале дозвола за физичка елиминација на највисокото воено и политичко раководство на Украина, пишува „Московски комсомолец“, руски весник близок до властите

To top