Најновите податоци покажуваат дека десетици земји влегоа во зоната на „ултра низок фертилитет“, каде што жените во просек раѓаат помалку од 1,3 деца – ниво за кое експертите велат дека води кон истребување на населението. Стапките на наталитет се на историски најниско ниво оваа година низ целиот свет.
Ситуацијата е особено критична во Литванија, Полска, Костарика, Јужна Кореја, Сингапур… Сите овие земји имаат стапки на фертилитет кои се движат од 0,81 во Јужна Кореја до 1,10 во Костарика. Во Полска, стапката е 1,01, а во Литванија, 1,02.
Кога фертилитетот паѓа на или под 1,0, научната литература зборува за демографска катастрофа бидејќи тоа значи дека населението може да се преполови само за една генерација.
Границата од 2,1 дете по жена се смета за стапка потребна за природно обновување на населението.
Германија, Австрија и Швајцарија се малку под границата од 1,3. Холандија и Белгија се на околу 1,4.
Ситуацијата во Медитеранот е загрижувачка; стапката во Италија е 1,11, во Шпанија 1,13, а во Грција 1,19.
Mеѓу земјите од поранешна Југославија, Македонија, со стапка од 1,36, е во најлоша позиција , a по неа следува Хрватска со стапка од 1,42.
Сите земји во регионот имаат ниски стапки на фертилитет и генерално тренд на опаѓање, бележејќи вредности далеку под границата потребна за обновување на населението.
Дури и Косово, кое традиционално е познато по значително повисоки стапки на наталитет во споредба со остатокот од регионот, со стапка од 1,96 е под гореспоменатата стапка (2,1) на обновување на населението. (Индекс.хр)
