Американскиот претседател Доналд Трамп е подготвен да ја прифати поканата на турскиот лидер Реџеп Таип Ердоган за одржување трилатерални мировни преговори во Турција со лидерите на Русија и Украина, но важно е Владимир Путин и Владимир Зеленски да бидат подготвени да седнат на маса, откри Белата куќа, цитирано од Би-Би-Си.
„Претседателот рече дека е отворен за тоа ако дојде до тоа, но сака двајцата лидери и двете земји да седнат заедно на маса“, изјави портпаролката на Белата куќа, Керолин Ливит, пред новинарите кога беше прашана за предлогот на Ердоган.
Украинскиот претседател Володимир Зеленски рече дека и тој го поддржува предлогот за средба.
„Му реков дека ја поддржувам средбата на лидерско ниво затоа што имам впечаток дека нема да има прекин на огнот без наша средба“, рече Зеленски.
„Се надеваме дека ќе одржиме средба меѓу Зеленски, Путин и претседателот Трамп во Истанбул или Анкара“, рече Ердоган по руско-украинските разговори во Истанбул.