Свет

Трамп го притиска Нетанјаху „за две недели“ да заврши војната во Газа

Американскиот претседател Доналд Трамп и израелскиот премиер Бенјамин Нетанјаху постигнаа договор за план за прекин на огнот во Газа, кој треба да се спроведе во рок од две недели, објави „Израел Хајом“. Администрацијата на Газа ќе им биде предадена на четири арапски земји, вклучувајќи ги Египет и ОАЕ, предвидува главната точка на договорот. На жителите […]

Американскиот претседател Доналд Трамп и израелскиот премиер Бенјамин Нетанјаху постигнаа договор за план за прекин на огнот во Газа, кој треба да се спроведе во рок од две недели, објави „Израел Хајом“.

Администрацијата на Газа ќе им биде предадена на четири арапски земји, вклучувајќи ги Египет и ОАЕ, предвидува главната точка на договорот.

На жителите на енклавата кои сакаат да емигрираат ќе им се помогне да ја напуштат Газа и да се преселат во други земји.

Втората главна точка наведува дека Израел ќе се согласи на создавање палестинска држава, но под услов Палестинската самоуправа да се реформира. САД ќе признаат ограничен израелски суверенитет над териториите Јудеја и Самарија – во пракса ова е претежно палестинскиот Западен Брег, кој сè уште има сложен и спорен статус.

Раководството на Хамас ќе ја напушти Газа и ќе оди во егзил, заложниците ќе бидат ослободени.

Важна карактеристика е што Саудиска Арабија и Сирија ќе се приклучат на „Абрахамскиот договор“ – тие ќе ја признаат државата Израел и ќе воспостават официјални односи со Тел Авив.

Објавувањето укажува дека Нетанјаху е под силен притисок од Трамп да ја прекине операцијата во Газа.

Изралскиот премиер изјави дека достигнувањата на Израел во борбата против Иран отвориле врата за проширување на мировните договори со арапските земји во регионот.

„Две недели“ – омилениот „блеф“ на Доналд Трамп

Најнови вести од: Свет

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

Кремљ ја укинува забраната за ликвидација на Зеленски и военото раководство?

Претставници на безбедносните служби побарале дозвола за физичка елиминација на највисокото воено и политичко раководство на Украина, пишува „Московски комсомолец“, руски весник близок до властите

To top