„Имав многу продуктивен разговор со израелскиот премиер Биби (Бенјамин) Нетанјаху. Нема да бидат испратени војници во Бејрут, а сите војници што веќе патуваа таму се вратени“, рече американскиот претседател Доналд Трамп.
„Имав многу добар разговор и со Хезболах преку високи функционери и тие се согласија дека сите пукања ќе престанат – Израел нема да ги нападне нив и тие нема да го нападнат Израел“, додаде тој.
Да потсетиме, израелскиот премиер пратходно дал наредба за напад врз главниот град на Либан, Линк, по повеќемесечните напади врз југот на таа земја и повиците до населението да го напуштат. Некои аналитичари сметаат дека Израел има намера во позадина на војната со Иран и нападите врз милитантната група Хезболах, да приграби либанска територија…
Според Аксиос, разговорот на Трамп со Нетанјаху бил скандалозен, полн со пцовки. Според изворите, Трамп рекол нешто како: „Ти си целосно луд. Без мене, ќе беше во затвор. Те спасувам. Сите те мразат сега. Сите го мразат Израел за ова.“
Зборовите на американскиот претседател не наидоа на поддршка во националистичкото крило на израелскиот кабинет.
Израелскиот министер за национална безбедност Бен-Гвир рече: „Сега е време да му кажеме „не“ на нашиот пријател, претседателот Трамп.“
Во врска со другата војна на Израел – во Газа, израелскиот министер за финансии Безалел Смотрич беше уште покатегоричен: „Или ние или вие. Нема среден терен. Ја уништуваме идејата за палестинска држава“.
Смотрич ги игнорираше сите напори на претседателот Трамп, освен таканаречениот Мировен совет: „Палестинската самоуправа мора да се распушти… Мора да ја преземеме контролата врз целата територија“.