Иранската државна телевизија објави снимка за која тврди дека ги прикажува синоќешните лансирања на ракети и беспилотни летала врз три американски разурнувачи во Ормускиот теснец.
Иранската државна новинска агенција Press TV објави снимка на која се гледа како иранските сили лансираат ракети и беспилотни летала врз три американски разурнувачи за време на неодамнешната борба во Ормутскиот теснец.
Iranian state-backed news outlet Press TV has released footage showing Iranian forces launching missiles and drones against three U.S. destroyers during the recent engagement in the Strait of Hormuz. pic.twitter.com/YbCHrNuP7g
— OSINTdefender (@sentdefender) May 7, 2026
Доналд Трамп се огласи откако американската војска соопшти дека нејзините сили пресретнале „неиспровоцирани ирански напади“ и одговориле со напади за самоодбрана врз местата за лансирање ракети во Иран.
„Три американски разорувачи успешно поминаа низ Ормутскиот теснец под оган. Немаше штета на трите разорувачи, но иранските напаѓачи претрпеа голема штета. Тие беа целосно уништени, заедно со бројни мали бродови со кои се обидуваат да ја заменат својата целосно десеткувана морнарица. Овие бродови беа брзо и ефикасно потонати.
Нашите разорувачи беа нападнати со ракети, но лесно беа соборени. Исто така, се појавија беспилотни летала и беа изгорени во воздух. Тие паднаа во океанот прекрасно, како пеперутка што паѓа во својот гроб! Нормална земја би им дозволила на овие разорувачи да поминат, но Иран не е нормална земја.
Ја водат ЛУДИ луѓе и, ако имаа шанса да користат нуклеарно оружје, би го сториле тоа без сомнение.
Но, тие никогаш нема да ја добијат таа шанса и, исто како што повторно ги победивме, ќе ги удриме уште посилно и многу посилно во иднина ако наскоро не го потпишат договорот! Нашите три разорувачи, со нивните одлични екипажи, сега повторно ќе се приклучат на блокадата на нашата поморска флота, што е навистина „ѕид од челик“, напиша Трамп на мрежата Truth Social.
Според соопштението на американската војска, инцидентот се случил додека американските разорувачи USS Truxtun, USS Rafael Peralta и USS Mason транзитирале низ Ормутскиот теснец кон Оманскиот Залив.
„Иранските сили лансирале повеќе ракети, дронови и мали пловила кон американски бродови додека транзитирале низ меѓународните бродски линии. Не биле погодени американски цели“, се вели во соопштението.
Американската војска соопшти дека потоа ги неутрализирала заканите и извршила напади врз иранските воени објекти поврзани со нападите врз американските сили. Меѓу погодените цели, според Вашингтон, биле места за лансирање ракети и дронови, командни центри и системи за разузнавање и надзор.
Fox News објави дека биле цел на напади иранските пристаништа Кешм и Бандар Абас, како и иранскиот поморски контролен пункт Бандар Карган во Минаб. Американската војска соопшти дека САД „не бараат ескалација на конфликтот“, но остануваат подготвени да ги заштитат американските сили во регионот.
Трамп најави дека денеска во18 часот по средноевропско време ќе се обрати до нацијата….