Пред денешната размена на израелски заложници за палестински затвореници, американскиот претседател беше прашан во авионот дали мисли дека неговите мировни напори ќе му помогнат да влезе во рајот.

„Не мислам дека има нешто што може да ме однесе во рајот“, се пошегува тој.

Трамп: Ѝ помагам на Украина за да одам во рајот

„Можеби не сум создаден за рајот. Можеби веќе сум во рајот сега, … Не сум сигурен дали ќе стигнам во рајот, но го направив животот многу подобар за многу луѓе“.

Трамп за иднината на Газа рече :

„Сега изгледа како градилиште, но со текот на годините ќе биде прекрасно“. На прашањето на новинарите за неговата претходна идеја да ја претвори Газа во „ривиера“, Трамп рече дека тоа нема да биде можно некое време, истакнувајќи дека градот е целосно уништен.

„Урната е, изгледа како градилиште по уривање. Мора да се ослободите од она што е таму сега“, рече тој, осврнувајќи се на уништените и срамнети со земја згради во Газа.

На прашањето како ја гледа Газа за една година, Трамп одговори: „Една година е кратко време, но со текот на времето ќе изгледа многу добро“. Тој исто така рече дека би сакал да ја посети Газа.