Свет

Трамп: Путин верува дека победува, не сака крај на војната

Американскиот претседател им порачал на европските лидери дека рускиот претседател Владимир Путин не е подготвен да ја заврши војната во Украина бидејќи верува дека Русија во моментов победува на бојното поле, објави „Волстрит џурнал“ (WSJ) повикувајќи се на извори запознаени со телефонскиот разговор. „Тонот и духот на разговорот беа одлични. Да не беше така, ќе […]

Американскиот претседател им порачал на европските лидери дека рускиот претседател Владимир Путин не е подготвен да ја заврши војната во Украина бидејќи верува дека Русија во моментов победува на бојното поле, објави „Волстрит џурнал“ (WSJ) повикувајќи се на извори запознаени со телефонскиот разговор.

„Тонот и духот на разговорот беа одлични. Да не беше така, ќе го кажев тоа“, напиша Трамп на социјалните мрежи.

Белата куќа одби официјален коментар за WSJ, осврнувајќи се конкретно на објавувањето на претседателот.

Иако европските лидери долго време се сомневаа дека Путин не е склонен кон компромис, ова е прв пат да добијат директна потврда од Трамп, кој во минатото постојано изјавуваше дека верува во желбата на Москва за мировен договор.

Според WSJ, дури и откако сфатил дека Путин не бара крај на војната, Трамп не ги поддржал барањата на европските лидери и украинскиот претседател Володимир Зеленски за зголемување на притисокот врз Русија, вклучително и преку нови санкции или дополнителна воена помош.

Изданието објавува дека ден пред разговорот со Путин – во неделата – Трамп имал разговор со европските лидери, за време на кој сигнализирал дека може да воведе построги санкции доколку Русија не прифати прекин на огнот.

Сепак, само еден ден подоцна, тој го промени својот став.

Наместо да го зголеми притисокот, Трамп предложи брзо продолжување на мировните преговори меѓу Русија и Украина, овој пат на пониско дипломатско ниво и под покровителство на Ватикан.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top